ओझर : नाशिक गुन्हे शाखा दोनचे कर्तव्यदक्ष पोलिस अंमलदार महेश कानबहाले पोलिस अंमलदार तेजस मते यांना काल आडगांव येथील श्रीराम नगर मध्ये संशयीताकडे एक देशी दारूचा कट्टा विक्री करण्यासाठी येणार असल्याची गुप्त माहिती मिळाली. (police have laid trap and taken possession of group of country liquor in Adgaon limits nashik crime news)

या माहितीच्या आधारावर व वरिष्ठांच्या मार्गदर्शना वरून पोलिस निरिक्षक संदेश पाडवी, पोलिस हवालदार राजेंद्र घुमरे, नंदकुमार नांदुर्डीकर, सुनिल आहेर, मनोहर शिंदे, चंद्रकांत गवळी, विशाल पाटील, तेजस मते, महेश कानबहाले, किसन कुवर, समाधान वाजे आदिंनी आडगांव हद्दीतील मदर तेरेसा रोड इनिव्हल एटरप्रायजेस समोर श्रीरामनगर येथे सापळा लावला असता तो यशस्वी झाला.

त्यात छापा टाकून ओझर येथील संशयीत योगेश चंद्रकांत दांडे वय ३० राहणार योगी दर्शनी अपार्टमेंट सिताईनगर ओझर याच्याकडून देशी बनावटीचा एक कट्टा तसेच एक राऊंड जिवंत काडतूस ताब्यात घेण्यात आले संशयीतास मुद्देमालासह आडगांव पोलिसांच्या ताब्यात देण्यात आले.