मालेगाव (जि. नाशिक) : शहरातील कमालपूरा भागातील कसाबबाडा मशीदच्या पाठीमागील कसाई वाड्यात सहाय्यक पोलिस उपअधिक्षक यांच्या विशेष पथकाने शहर पोलिसांच्या मदतीने छापा टाकून कत्तलीसाठीचे ९७ हजार रुपये किमतीचे १० गोवंश जप्त केली. या प्रकरणी दोघा संशयितांची चौकशी सुरु आहे. (Police raid in Kasai Wada 10 cattle seized Nashik Crime News)

हेही वाचा : मेडिकल मॅनेजमेंटही हृदयविकारावर ठरु शकते उपाय

पोलिस अधिक्षक शहाजी उमाप, अपर पोलिस अधिक्षक अनिकेत भारती, उपअधिक्षक प्रदीपकुमार जाधव यांच्या मार्गदर्शनाखाली विशेष पथकाचे उपनिरीक्षक शैलेश पाटील, पोलिस नाईक इम्रान सैय्यद, दिनेश शेरावते, प्रशांत बागुल व शहर पोलिस ठाण्याच्या सहाय्यक पोलिस निरीक्षक प्रिती सावजी, हवालदार सुनील दांडगे, पोलिस नाईक तुषार आहिरे, योगेश ठाकुर, पंकज डोंगरे आदींनी ही कारवाई केली.

या संयुक्त पथकाने अंजुम खानच्या स्लॉटरजवळ अनिस मोहमंद खलील (रा. कमालपुरा) याच्या गोडाऊनमध्ये छापा टाकून ६ गोवंश तर अंजुम खान (रा. कसाईवाडा) याच्या गोदामात छापा टाकून ४ गोवंश जप्त केले.

गोवंश हत्याबंदी असताना गोवंश कत्तल करण्याच्या ईराद्याने घट्ट दोरीने जखडून बांधून ठेवलेल्या स्थितीत मिळून आले. दोघा संशयितांविरुध्द शहर पोलिस ठाण्यात गुन्हा दाखल करण्यात आला आहे.