नाशिक : राज्यभरात राबविण्यात आलेल्या पोलीस भरती प्रक्रियेतील पात्र उमेदवारांची येत्या रविवारी (ता. २) लेखी परीक्षा होते आहे. नाशिक ग्रामीण पोलिस दलातील शिपाई पदासाठीही येत्या रविवारी (ता. २) केटीएचएम महाविद्यालयात लेखी परीक्षा घेतली जाणार आहे.

यासशठी पात्र उमेदवारांना ई-मेल आणि मेसेजद्वारे परीक्षेची माहिती दिली जाणार आहे. (Police Recruitment Written examination of police constable eligible candidates on coming Sunday nashik news)

हेही वाचा : जीएसटीसाठी नोंदणी केलीच नाही तर??

राज्यभरात गेल्या जानेवारीमध्ये पोलीस शिपाई आणि चालक पदासाठीची भरती प्रक्रिया राबविण्यात आली. त्यासाठी नाशिक ग्रामीण पोलिस दलातील रिक्त १६४ जागांसाठी जानेवारी २०२३ पासून भरती प्रक्रिया राबवली जात आहे.

त्यानुसार चालक पदाच्या १५ जागांसाठी नुकतीच लेखी परिक्षा झाली असून त्यांचा निकालही जाहिर झाला आहे. तर शिपाईच्या १६४ रिक्त पदाच्या लेखी परिक्षेचे नियोजन येत्या रविवारी केले असून पात्र उमेदवारांना तसे कळविण्यात आले आहे.

पात्र उमेदवारांनी हॉल तिकीट, ओळखपत्र, पासपोर्ट साईज फोटो सोबत घेऊन रविवारी सकाळी ६.३० वाजता परीक्षा केंद्रावर हजर राहवे असे आवाहन ग्रामीण पोलीस अधीक्षक कार्यालयाकडून करण्यात आले आहे. तसेच उमेदवारांना काही तक्रार असल्यास त्यांनी ०२५३-२२००४०१, २२००४९५ या क्रमांकावर संपर्क साधण्याचे आवाहन ग्रामीण पोलिसांनी केले आहे.