तळवाडे दिगर (जि.नाशिक) : गेल्या आठवड्यात बागलाण तालुक्यातील पश्चिम पट्यात शनिवार (ता.२० ते बुधवार ता.२४) दरम्यान बागलाण तालुक्यातील पश्चिम पट्यातील तळवाडे दिगर,पठावे दिगर, मोरकुरे,दसाणे, केरसाणे, मुल्हेर, अंतापूर आदी गावात मोठ्या प्रमाणात अवकाळी पाउस व गारपीट झाली. त्याचा फटका बसून तालुक्यातील १२ हजार पेक्षा जास्त हेक्टर कांद्या भाजीपालासह फळबागांचे मोठ्या प्रमणात नुकसान झाले आहे. त्या नुकसानाची पाहणी करण्यासाठी विधानपरिषदेचे विरोधीपक्ष नेते प्रवीण दरेकर आज शनिवार (ता.२७) रोजी प्रत्यक्ष शेतकऱ्यांच्या शेतात जाऊन अवकाळी व गारपीटीने झालेल्या नुकसानीची पाहणी केली व शेतकऱ्यांना धीर दिला.
हातातोंडाशी आलेल्या घास हिरावला...
नाशिकच्या सटाणा तालुक्यातील गारपीट व अवकाळी पावसाने नुकसान झालेल्या भागाची विधानपरिषदेचे विरोधी पक्षनेते प्रविण दरेकर यांनी भेट देऊन पाहणी केली. सटाण्याच्या पश्चिम पट्ट्यातील मोरकुरे ,पठावे ,तळवाडे दिगर ,केरसाणे, दसाणे, अंतापूर, मुल्हेर या गारपीट व अवकाळी पावसाने कांदा पिकाचे मोठ्या प्रमाणावर नुकसान झाले शेतकऱ्यांचा हातातोंडाशी आलेल्या घास हिरावून नेला . प्रविण दरेकर यांनी नुकसानग्रस्त शेतकऱ्यांच्या बांधावर जाऊन नुकसानीची पहाणी केली. आस्मानी सुलतानी संकटाने शेतकऱ्यांचे अतोनात नुकसान झाले. नुकसानग्रस्त शेतकऱ्यांनी दरेकराकडे आपली कैफियत मांडताना डोळ्यात अश्रू आले.
नुकसान भरपाई देण्याची मागणी
.दरेकरांनी शेतकऱयांना दिलासा दिला. शेतकऱ्यांचे एवढे नुकसान होऊनही मायबाप सरकारचा एकही प्रतिनिधी शेतकऱ्याच्या नुकसानीची पाहणी करण्यासाठी फिरकले नाही. सरकारने नुकसानग्रस्त शेतकऱ्यांना वाऱ्यावर सोडले. त्याबद्दल दरेकर नाराजी व्यक्त करीत नुकसानग्रस्त शेतकऱ्यांना एक लाख रूपये हेक्टरी नुकसान भरपाई देण्याची मागणी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.