नाशिक

नाशिकची राधिका देशात पहिली; सीए होण्याची परिवाराची अनोखी परंपरा

सीए’ होण्याची परिवाराने प्रस्‍थापित केली अनोखी प्रथा

अरुण मलाणी

नाशिक : येथील बांधकाम क्षेत्रात ललित रुंगटा ग्रुपने नावलौकिक मिळविला आहे. या परिवाराचे आणखी एक वैशिष्ट्य म्‍हणजे परिवारातील अनेक सदस्‍यांनी सनदी लेखापाल (सीए) ही उच्च पदवी प्राप्त केली आहे. ललित रुंगटा यांची भाची राधिका चौथमल बेरीवाला (सुरत) हिने तर विक्रम नोंदवत परिवारातील सीएंच्‍या यादीत आपले नाव सूवर्ण अक्षरांनी नोंदविले आहे. राधिकाने राष्ट्रीय स्‍तरावर प्रथम क्रमांकासह या परीक्षेत यश मिळविले आहे.

अनेक कुटुंबांचे स्‍वतःच्या घराचे स्‍वप्‍न ललित रुंगटा ग्रुप साकार करत आहे. सोबतच रुंगटा परिवारातील सदस्‍यदेखील त्‍यांच्‍या स्‍वप्‍नांचा पाठलाग करताना अनोखा विक्रम नोंदवित आहेत. या परिवारातील अनेक सदस्‍य प्रतिष्ठेच्‍या सीए परीक्षेत यश मिळवत सनदी लेखापाल झालेले आहेत. नुकताच जाहीर झालेल्‍या निकालात ललित रुंगटा यांची भाची राधिका चौथमल बेरीवाला हिने राष्ट्रीय क्रमवारीत प्रथम क्रमांकासह यश मिळविले आहे.

८०० पैकी ६४० गुण मिळवून तिने ही कामगिरी केली आहे. राधिका ही आपल्‍या कुटुंबासोबत सुरत येथे राहते. तिने आयपीसीसी परीक्षेत राष्ट्रीय क्रमवारीत दुसऱ्या क्रमांकासह यश मिळविले होते. अंतीम परीक्षेला समोरे जाताना पहिल्‍या प्रयत्‍नातच तिने राष्ट्रीय स्‍तरावर यशस्‍वी कामगिरी नोंदवित इतिहास रचला आहे. अर्थात्‌च तिला रुंगटा ग्रुपमधील सीए सदस्‍यांचे मोलाचे मार्गदर्शन लाभले आहे. दरम्यान, चार्टर्ड अकाउंटंटच्या (सीए) परीक्षेत सलग दुसऱ्यावेळी मुलींनी बाजी मारली असून दुसरा क्रमांक उत्तर प्रदेशमधील खतलौचा नितीन जैन याने मिळविला असून चेन्नईची निवेदिता एन. तिसऱ्या क्रमांकावर आहे.

परिवारातील सीएंचा वारसा

ललित रुंगटा यांचे पूत्र अखिल रुंगटा व निखिल रुंगटा हे दोघेही सीए आहेत. २००९ मध्ये दोघांनीही सनदी लेखापाल होण्याचे स्‍वप्‍न पूर्ण केले आहे. यात अखिल यांनी राष्ट्रीय क्रमवारीत तिसऱ्या क्रमांकासह यश मिळवत विक्रम प्रस्‍थापित केला होता. सोबतच त्‍यांनी आयसीडब्‍ल्‍यूए शिक्षणक्रमात राष्ट्रीय क्रमवारीत द्वितीय क्रमांकासह यश मिळविले आहे. तसेच, ललित रुंगटा यांची कन्‍या खुशबू रुंगटा ह्यादेखील सीए असून, त्‍यांचे पती अंकित गडोदिया हेदेखील सीए आहेत. आता या यादीत राधिकाच्‍या नावाची भर पडली आहे.

रुंगटा ग्रुपने बांधकाम क्षेत्रात आपला नावलौकिक मिळविला आहे. सोबत परिवारातील सदस्‍यांनी अनोखा विक्रम नोंदविला आहे. भाची राधिकाने थेट राष्ट्रीय क्रमवारीत प्रथम क्रमांकासह यश मिळविले. हे केवळ रुंगटा कुटुंबासाठी नव्‍हे, तर संपूर्ण देशासाठी गौरवशाली बाब आहे.

-ललित रुंगटा,रुंगटा परिवाराचे कुटुंबप्रमुख

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

T Raja Singh Resignation : ‘’आजच्याच दिवशी बरोबर ११ वर्षांपूर्वी मी...’’ ; भाजपने राजीनामा मंजूर करताच टी.राजा भावनिक!

Pune: सूपमध्ये झुरळ सापडले; पण तक्रारीकडे हॉटेल व्यवस्थापनाचे दुर्लक्ष, नंतर महिलेनं...; पुण्यातील खळबळजनक घटना

IND vs ENG 3rd Test: KL Rahul ने झेल सोडला! शुभमन गिल अम्पायरसोबत भांडला; Umpire ने मागे ढकलले अन् म्हणाले, जा...

Hinjewadi Electric Supply : हिंजवडीतील वीजपुरवठा ७२ तासांनी पूर्वपदावर; नागरिकांकडून सुटकेचा निःश्वास

World Record Internet Speed: इंटरनेट स्पीडचा वर्ल्ड रेकॉर्ड! 10,000 पेक्षा जास्त 4K सिनेमे एका क्षणात झाले डाउनलोड, कुठे घडला हा चमत्कार?

SCROLL FOR NEXT