नाशिक : ज्या शेतकऱ्यांनी कृषी पंपासाठी वीज जोडणी घेतलेली किंवा काही कारणा स्तव वीज जोडणीस विलंब होत आहे अशा शेतकऱ्यांना सौर ऊर्जेसाठी प्राधान्य देण्यात आल्यामुळे नाशिक आणि नगर जिल्ह्यात १ हजार ८४० सौर कृषीपंप कार्यन्वित झाल्याची माहिती नाशिक परिमंडळाकडून देण्यात आली. अटल सौर कृषीपंप योजना तसेच मुख्यमंत्री सौर कृषिपंप योजनेत वंचित शेतकऱ्यांना प्राधान्य दिल्याने शेतकऱ्यांना दिवसा सिंचन करणे शक्य झाले आहे. 

नाशिक शहर मंडळातील १ हजार ४९ शेतकऱ्यांच्या शेतात सौर कृषिपंप बसवण्यात आले

मुख्यमंत्री सौर कृषीपंप योजनेत सहभागी होण्यासाठी सर्वसाधारण प्रवर्गातील लाभार्थ्यांना ३ एचपीसाठी १६ हजार ५६० रु पये (दहा टक्के) तर अनुसूचित जाती- जमाती गटातील लाभार्थ्यांना ८ हजार २८० रुपये (५ टक्के), तर पाच एचपीसाठी सर्वसाधारण प्रवर्गातील लाभार्थ्यांना २४ हजार ७१० रुपये (दहा टक्के) तर अनुसूचित जाती/जमाती गटातील लाभार्थ्यांना १२ हजार ७१० रुपये (१० टक्के) एवढी रक्कम भरायची होती. मुख्यमंत्री सौर कृषिपंप योजनेसाठी नाशिक परिमंडळाअंतर्गत असणाऱ्या ज्या शेतकऱ्यांनी पैसे भरून एजन्सीची निवड केली आहे. त्यामध्ये नाशिक शहर मंडळातील १ हजार ४९, मालेगाव मंडळातील १९५ तर अहमदनगर मंडळातील ५९६ शेतकऱ्यांच्या शेतात सौर कृषिपंप बसवण्यात आले आहेत. 

हेही वाचा > इलेक्‍ट्रॉनिक सायन्सची 'ती' विद्यार्थिनी अल्पवयात कीर्तनकार!...500 हून अधिक कीर्तन - प्रवचन

वीजबिलाचा किंवा डिझेलचा खर्च वाचणार

बुलढाणा जिल्ह्यातील ज्या शेतकऱ्यांनी पैसे भरून एजन्सीची निवड केली आहे. त्यापैकी पहिल्या टप्यातील ४०९ आदिर दुसऱ्या टप्यातील ५०३ शेतऱ्यांच्या शेतात सौर कृषिपंप बसवण्यात आले आहेत. नाशिक परिमंडळातील एकूण १८४० शेतकऱ्यांच्या शेतात मुख्यमंत्री सौर कृषी पंप योजनेत सौर कृषीपंप बसविण्यात आले आहेत. सौरपंपामुळे दिवसा सिंचन शक्य होणार आहे. यात वीजपुरवठा खंडित होण्याचा, विजेच्या कमी दाबाचा प्रश्नच निर्माण होत नाही. विजेचा किंवा डिझेलचा वापर नसल्यामुळे वीजबिलाचा किंवा डिझेलचा खर्च वाचणार आहे.

हेही वाचा > एकवीस वर्षांपासून 'ती'ने सायकलवर वृत्तपत्र विक्री करुन उभा केला संसार...!