विंचूर (जि. नाशिक) : येथे दूध डेअरी व्यावसायिकाचे एक लाख दहा हजार लांबविल्याची (Stolen) घटना शुक्रवारी (ता. १) घडली. त्यामुळे परिसरात भीतीचे वातावरण आहे. (Rs 1 lakh stolen from dairy trader at Vinchur Nashik Crime News)

अधिक माहिती अशी फिर्यादी बाबासाहेब भंडागे (रा. दहेगाव, ता. निफाड) यांनी दुग्धव्यावसायिक शेतकरी यांचा दुधाचा पगार देण्यासाठी शुक्रवारी दुपारी विंचूर येथील स्टेट बँकेतून एक लाख दहा हजार रुपये काढले. एका प्लास्टिकच्या पिशवीत ठेवून गाडीच्या हॅन्डलला अडकवून गावात काही कामानिमित्ताने ते जात होते. मर्चंट बॅंकेसमोर जात असताना चोरट्यांनी दुसऱ्या दुचाकीवाल्याचे पैसे पडल्याचे सांगितले. चोरट्यांनी भडांगे यांना पैसे जमा करण्यास मदत करा, असे सांगितल्याने भंडागे गाडी स्टॅन्डवर लावून पैसे जमा करून लागले. त्या वेळी वरील संशयिताच्या साथीदारांनी भंडागे यांना बोलण्यात गुंतवून ठेवून दोघांनी एक लाख दहा हजार रुपयांची पिशवी घेऊन पळाले. याबाबत लासलगाव पोलिसांत गुन्हा दाखल असून, पुढील तपास सहाय्यक पोलिस निरीक्षक राहुल वाघ, पोलिस नाईक योगेश शिंदे करत आहे.