नाशिक : महाराष्ट्र नवनिर्माण सेनेचे अध्यक्ष राज ठाकरे (MNS Chief Raj Thackeray) यांच्या ५४ व्या वाढदिवसानिमित्त (Birthday) नाशिक महाराष्ट्र नवनिर्माण सेना शहराध्यक्ष दिलीप दातीर यांच्यातर्फे पेट्रोलवर ५४ रुपयांची सूट देण्यात आली. सिडको विभागातील शिवांजली पेट्रोलियम, साई पेट्रोलियम श्री. सिद्धी पेट्रोलियम या पंपांवर १५०० दुचाकी वाहनांना पेट्रोलवर ५४ रुपयांची भरीव सूट देण्यात आली. पेट्रोल- डिझेलच्या चढ्या दराने व महागाईने होरपळत असताना महाराष्ट्र नवनिर्माण सेनेकडून (MNS) राबविण्यात आलेली मोहीम कौतुकास्पद ठरली. (Rs 54 discount on petrol for Raj Thackeray birthday Nashik News)

याप्रसंगी जिल्हाध्यक्ष अंकुश पवार, शहराध्यक्ष दिलीप दातीर, शहर समन्वयक सचिन भोसले, सिडको विभाग अध्यक्ष नितीन माळी, मनविसे प्रदेश उपाध्यक्ष गणेश मोरे, जिल्हाध्यक्ष कौशल पाटील, श्याम गोहाड, शहराध्यक्ष संदेश जगताप, ललित वाघ, जिल्हा चिटणीस अक्षय कोंबडे, महाराष्ट्र नवनिर्माण कामगार सेना जिल्हा चिटणीस तुषार जगताप, शारीरिक सेना शहराध्यक्ष विजय आगळे, ज्योतीताई शिंदे, शाखा अध्यक्ष पंकज दातीर, राहुल पाटील, मेघराज नवले, मनोज सावंत, भूषण सूर्यवंशी, विकी जाधव, मनोज गोवर्धने आदी उपस्थित होते.