सिडको (जि. नाशिक) : सिडको विभागीय कार्यालयात ज्येष्ठ नागरिकांसह दिव्यांगासाठी ठेवण्यात आलेल्या व्हीलचेअरची दुरवस्थेबाबत ‘सकाळ’ मध्ये वृत्त प्रसिद्ध झाल्यानंतर दुरुस्ती करण्यात आली. (SAKAL IMPACT Repair of wheelchairs in CIDCO office Nashik News)

सिडको विभागीय अधिकारी डॉ. मयूर पाटील यांनी तत्काळ वृत्ताची दखल घेत लागलीच व्हीलचेअर दुरुस्ती करण्याचे आदेशित केल्याने व्हीलचेअरची स्वच्छता करण्यात आली असून, खऱ्या अर्थाने ती आता ज्येष्ठ नागरिकांसह दिव्यांगासाठी उपयोगात येणार आहे.

३१ जानेवारीला दुपारच्या सुमारास सिडको विभागीय कार्यालयात एक ज्येष्ठ महिला त्यांच्या आधारकार्डच्या कामासाठी आलेल्या असताना त्यांना चालणे अवघड असल्याने व्हीलचेअरची अत्यावश्यकता होती.

हेही वाचा : 'पठाण'..आणि २०२३ मधले बाॅलीवूड..कसे असतील दिवस

मात्र, व्हीलचेअरच्या झालेल्या दुरवस्थेमुळे काही नागरिकांनी आधार देत आधार केंद्रात घेऊन गेले. त्यांचे काम पूर्ण झाल्यानंतर पुन्हा त्यांना तसेच त्यांच्या वाहनापर्यंत न्यावे लागले. व्हीलचेअर व्यवस्थित असती तर ही वेळ आली नसती.

मात्र सिडको विभागीय कार्यालयात कोणाकडे कदाचित इतका वेळ नसावा की सदर खुर्ची साफ व्हावी व तिचा नागरिकांना उपयोग व्हावा अशी मागणी नागरिकांमधून करण्यात आली होती.