SAKAL Relief Fund :  तालुक्यातील सावरगाव गंगावणे या ग्रामपंचायतीच्या माध्यमातून पाण्याची साठवणूक क्षमता वाढावी म्हणून तलावातील गाळ काढण्यात आला.

यामुळे या तलावाची साठवण क्षमता आता १ कोटी ४० लाख लिटर एवढी झाली आहे. या कामासाठी सकाळ माध्यम समूहाच्या सकाळ रिलीफ फंडचे सहकार्य लाभले. ग्रामस्थांनीही या उपक्रमासाठी मदत केली. 

तापमान वाढीच्या संकटामुळे जगभर पावसाचे प्रमाण अनियमित झाले आहे. ओला, कोरडा दुष्काळ आणि अनेकदा अवकाळी पावसामुळे निसर्गचक्राचा वेध घेणे कठीण बनले आहे. पिण्याच्या पाण्यासह शेतीसाठी अनेक प्रकारच्या अडचणी निर्माण होत आहेत.

भविष्यात जलसंकट अधिक बिकट बनणार आहे. त्यामुळे हक्काच्या पाण्याचे व्यवस्थित जतन व्हायला हवे, या उद्देशाने सावरगाव गंगावणे येथील तलावातील गाळ काढण्याचा उपक्रम हाती घेण्यात आला.

हेही वाचा : Credit Card फसवणूक....काय घ्याल काळजी?

या उपक्रमासाठी सरपंच लक्ष्मण बेंडकुळे, उपसरपंच अर्चना विजय दोंदे, ग्रामसेवक प्रशांत कानडे, सावरगाव युवा फाऊंडेशनचे अशोक गोतरणे, कॉन्ट्रॅक्टर विष्णू पाटील व कैलास पाटील संजय गोतरणे, तेजस गायकवाड,

भाऊसाहेब गोतरणे, प्रकाश धोंगडे, विजय दोंदे, प्रकाश गोतरणे, विष्णू मोरे, रुपाली मोरे, उषा गोतरणे, पंडीत गायकर, दत्तू गोतरणे, रामनाथ वरघडे, वाळू गुंबाडे, शंकर वाघ, गौतम भालेराव, मच्छिंद्र गोतरणे, विनोद गोतरणे, सतीश मोरे, प्रकाश वि. गोतरणे, संभाजी धोंडगे, भीमा गोतरणे यांनी सहकार्य केले.