Nashik News : तालुक्यातील मांडवड आणि गिरणानगर ग्रामपंचायतीचे ग्रामसेवक संतोष जाधव यांना कर्तव्यात कसूर केल्याप्रकरणी तसेच सेवा वर्तणुकीचा भंग केल्याचा ठपका ठेवत निलंबित करण्यात आले आहे. (Santhosh Jadhav gram Sevak of Mandwad and Girnanagar Gram Panchayat suspended Nashik News)

हेही वाचा : Credit Card फसवणूक....काय घ्याल काळजी?

संतोष जाधव यांना मांडवड ग्रामपंचायतीचे दप्तर तपासणीसाठी उपलब्ध करून न देणे, लेखापरीक्षणासाठी अभिलेख उपलब्ध करून न देणे, अनधिकृतरीत्या गैरहजर राहणे, शासनाच्या निरनिराळ्या योजनांतून रकमेचा अपहार करणे,

कामकाजाची माहिती संकेतस्थळावर अपडेट न करणे, पंचायत समितीचे मासिक, पाक्षिक सभेस उपस्थित न राहणे, कामकाजात हलगर्जीपणा करून कर्तव्यात कसूर करणे, कामकाजाचे अहवाल वरिष्ठ स्तरावर सादर न करणे,

खात्यावर पैसे नसताना पंचायत समिती कार्यालयास धनादेश देऊन फसवणूक करणे यासह आर्थिक अपहाराच्या आणखी दोन प्रकरणात दोषी ठरविण्यात आले आहे.

संतोष जाधव हे अकरा प्रकरणांमध्ये दोषी आढळल्याने जिल्हा परिषदेचे मुख्य कार्यकारी अधिकारी आशिमा मित्तल यांनी त्यांना निलंबित केले.