नाशिक : माहेरी आलेल्या पत्नीने दारू सोडणार असाल तरच सासरी येईन, असे म्हटल्याचा राग येऊन मद्यपी पतीने केला असा धक्कादायक प्रकार...वारंवार होणाऱ्या भांडणाला कंटाळून बायको माहेरी आली होती त्याचाच राग डोक्यात धरुन हा प्रकार केल्याचे समजते.

अशी आहे घटना

राजेश निवृत्ती खडताळे (रा. मौर्या डेंटल केअरजवळ, अशोकनगर, सातपूर) असे संशयिताचे नाव आहे. याप्रकरणी पीडिता मनिषा राजेश खडताळे यांच्या फिर्यादीनुसार, पीडितेचा संशयित पती मद्यपी असल्याने ती काही दिवसांपासून आई-वडलांकडे माहेरी आली होती. पीडितेला घेऊन जाण्यासाठी संशयित पती आला असता, तू किती दिवस आईवडलांकडे राहते. तू घरी चल असे म्हणत पीडितेला शिवीगाळ केली. त्यावेळी पीडितेने, तुम्ही दारू सोडली, तरच मी घरी येईल, असे सांगितले. त्याचा संशयित पतीला राग आला आणि त्याने पत्नीवर चाकूने हल्ला करीत जखमी केले. याप्रकरणी सातपूर पोलिसात गुन्हा दाखल करण्यात आला असून, अधिक तपास हवालदार देवरे करीत आहेत. 

हेही वाचा > सावध व्हा...'हा' आजार पडेल महागात...कोरोनाचे व्हाल बळी!

दारूमुळे अनेकांच्या जीवनाची राखरांगोळी झाली आहे. दारुच्या आहारी गेलेला व्यक्ती केव्हा काय करेल याचा नेम नसतो. सातपूर येथे घडलेला हा प्रकारही दारुच्या आहारी जाण्यातूनच घडला. याचा फटका मात्र महिलांनाच जास्त सहन करावा लागतो. अशा घटनांमधूनही नागरिक बोध घेत नाहीत, हीच खरी शोकांतिका आहे. जनजागृती केल्यानंतरही मद्यपी शौकीनांची संख्या कमी झालेली नाही. दारूच्या दुकानात लागलेल्या रांगा पाहूनच अनेक प्रश्न निर्माण होत आहे.

हेही वाचा > ह्रदयद्रावक! सकाळी हसतमुख दिसलेल्या लेकीची दुपारी डेडबॉडीच...आईने फोडला हंबरडा