कसबे सुकेणे : मविप्र संचलित कर्मवीर रावसाहेब थोरात इयत्ता दहावीत शिकत असलेल्या १०२ किलो वजनाच्या विघ्नेश तिडके यांची राज्यस्तरीय भारत्तोलन (वेटलिफ्टिंग) स्पर्धेसाठी निवड झाली आहे. जिल्हा, विभागीय स्तरावर त्याने प्रथम क्रमांक मिळविल्याने त्याची राज्यस्तरीय स्पर्धेसाठी निवड करण्यात आली आहे.

६ फूट २ इंच उंचीच्या विघ्नेश याचे वजन आणि उंची पाहून त्याची क्रीडा क्षेत्रातील आवड लक्षात घेऊन विद्यालयाचे प्राचार्य रायभान दवंगे यांच्या मार्गदर्शनाखाली क्रीडा शिक्षक दिलीप काळे,अनिल उगले व आकाश आहेर यांनी त्याला गोळा फेक, हातोडा फेक व वेटलिफ्टिंग या क्रीडा प्रकारात मार्गदर्शन केले. (Selection of 102 kg Vignesh for State Level Weightlifting Competition Nashik Sports News)

धिप्पाड शरीरयष्टी असतानाही विघ्नेश याचे वजन उचलण्याचे लकब अफलातून असून पहिल्याच प्रयत्नात तो अपेक्षित वजन उचलून यशस्वी होण्याचा प्रयत्न करतो. तालुकास्तरीय क्रीडा स्पर्धेत त्याच्यासमोर स्पर्धकच न आल्याने त्याला बाय मिळाला होता.

त्यानंतर जिल्हास्तरावर देखील आपल्या प्रतिस्पर्ध्याला मात देत विभागावर धडक मारली. त्यानंतर विभागातही त्याने प्रथम क्रमांक प्राप्त करत राज्यस्तरावरील वेटलिफ्टिंग स्पर्धेसाठी तो पात्र ठरला आहे. खेळाप्रमाणे विघ्नेश अभ्यासातही हुशार आहे.

राज्यस्तरीय स्पर्धेसाठी तो पात्र ठरल्याने त्याचे गटशिक्षणाधिकारी केशव तुंगार व मराठा विद्या प्रसारक समाज संस्थेचे उपसभापती देवराम मोगल अभिनंदन केले. या यशाबद्दल प्राचार्य रायभान दवंगे ,उपप्राचार्य शिवाजी कोटकर ,क्रीडा शिक्षक दिलीप काळे,अनिल उगले व आकाश आहेर यांनी विघ्नेशचे अभिनंदन करत पुढील स्पर्धेसाठी शुभेच्छा दिल्या.

हेही वाचा : असा वाढवा तुमचा ‘क्रेडिट स्कोअर’