नाशिक : शिवसेनेचे खासदार संजय राऊत (mp sanjay raut) चार दिवसांच्या उत्तर महाराष्ट्र दौऱ्यावर येणार असून, बुधवार (ता. ९)पासून त्यांचा दौरा सुरू होणार आहे. नाशिकसह जळगाव, धुळे व नंदुरबार जिल्ह्यातील लोकसभा मतदारसंघातील पक्षाच्या संघटनात्मक स्थितीचा ते आढावा घेणार आहेत. रविवारी (ता. १३) नाशिक व दिंडोरी लोकसभा मतदारसंघाचा ते आढावा घेतील. (shiv sena mp sanjay raut will be on a four-day tour of north maharashtra)

पुढील वर्षाच्या प्रारंभी नाशिक महापालिकेची निवडणूक (Nashik Municipal Election) होणार आहे. निवडणुकीची तयारी सुरू असतानाच उत्तर महाराष्ट्रातील लोकसभा मतदारसंघातील पक्षसंघटनेचा आढावा घेतला जाणार आहे. चारही जिल्ह्यांतील पक्षसंघटनेतील पदाधिकाऱ्यांशी राऊत चर्चा करणार आहेत. विशेष म्हणजे, लोकसभानिहाय आढावा घेणार आहेत. बुधवारी (ता. ९) खासदार राऊत नाशिकमध्ये मुक्कामी येतील. शिवसेनेच्या नगरसेविका (कै.) कल्पना पांडे व (कै.) सत्यभामा गाडेकर यांच्या निवासस्थानी कुटुंबीयांची भेट घेतील. सायंकाळी पक्षाच्या निवडक पदाधिकाऱ्यांसोबत ते चर्चा करतील. गुरुवारी (ता. १०) दुपारी धुळे येथे जिल्ह्यातील पदाधिकाऱ्यांशी चर्चा करतील. शुक्रवारी (ता. ११) नंदुरबार व रावेर लोकसभा मतदारसंघातील पक्षाच्या पदाधिकाऱ्यांशी चर्चा करतील. शनिवारी (ता. १२) जळगावला पदाधिकाऱ्यांशी चर्चा करतील. रविवारी (ता. १३) नाशिक व दिंडोरीतील पदाधिकाऱ्यांसोबत चर्चा करणार आहेत.

(shiv sena mp sanjay raut will be on a four-day tour of north Maharashtra)