नाशिक : नाशिकचे शिवसेनेचे पदाधिकारी बाळा कोकणे यांच्यावर काल रात्री अकराच्या सुमारास प्राणघातक हल्ला करण्यात आला आहे. या हल्ल्यात ते जबर जखमी झाले असून त्यांना उपचारासाठी रूग्णालयात दाखल करण्यात आलं आहे. त्याचबरोबर अज्ञात हल्लेखोरांवर पोलिसांनी गुन्हा दाखल केला आहे.

(Shivsena Bala Kokne Attack)

नाशिक येथील एमजी रोडवरून रात्री अकराच्या सुमारास ते जात होते. ते दुचाकीवरून जात असताना यशवंत व्यायामशाळेजवळ अज्ञातांनी त्यांच्या डोक्यावर प्राणघातक हल्ला केला. यामध्ये ते जबर जखमी झाले आहेत. हल्ल्यानंतर हल्लेखोर तेथून पसार झाले आहेत. त्यानंतर तेथील स्थानिकांनी कोकणे यांना हॉस्पिटलमध्ये दाखल केले. त्यांच्यावर उपचार चालू असताना पोलिसांनी त्यांच्याकडून माहिती घेत अज्ञातांवर गुन्हा दाखल केला आहे.

शिवसेनेचे पदाधिकारी शेवाळे यांच्यावर झालेला हल्ला पूर्ववैमनस्यातून झाला की इतर काही कारणामुळे झाला हे कारण अजून समोर आलं नाही. याप्रकरणी अधिक तपास भद्रकाली पोलिस करत आहेत.

सध्या शिवसेनेतील अंतर्गत राजकीय घडामोडींना वेग आला आहे. शिवसेनेत दोन गट पडले असून या हल्ल्यामागे याचा काही संबंध आहे का? किंवा दुसरे काही कारण आहे यासंबंधी तपास सुरू असून पोलिसांकडून सीसीटीव्ही फुटेज तपासण्यात येत आहेत.