नाशिक : जेष्ट नेते शरद पवार यांच्या निवासस्थानी गोंधळ म्हणजे राज्यातील पोलीस यंत्रणेच्या गोपनीय माहिती मिळविण्यासाठी तंत्राचे अपयश आहे, अलीकडे वारंवार हे अपयश पुढे आले आहे त्यामुळे घटनास्थळी आधी कॅमेरामन पोहोचतात नंतर पोलीस पोहोचतात अशा शब्दात टीका करीत महसूल मंत्री बाळासाहेब थोरात यांनी गृह विभागाला घरचाच आहेर दिला.

श्री पवार यांच्या निवासस्थानी घडलेला प्रकार गँभीर आहे, गोपनीय सुरक्षा यंत्रणेचे हे अपयश आहे. पोलीस आयुक्त दीपक पांडे यांनी महसूल दंडाधिकारी हे आरडीएक्स तर त्याचे अधिकार डिटोनेटर असल्याने त्यांचे अधिकार काढावेत असे पत्र दिले महसूल मंत्री थोरात यांनी पांडे यांच्या विधानावर टीका केली त्यानंतर पुन्हा श्री पांडे यांनी आपण मतांशी ठाम असल्याचे म्हटले पोलिस आयुक्तांच्या ठाम मतांकडे कसे पहाता याविषयी विचारले असता पोलीस आयुक्तांनी यंत्रणेतील दोष दाखवायला हरकत नाही त्यांनी चूक दाखवली पाहिजे आम्ही ती चूक दुरुस्तही केली पाहिजे पण त्यांवर जाहीरपणे विधान करणे योग्य नव्हतेच असेही म्हंटले.