Godavari river esakal
नाशिक

दुर्गंधीयुक्त पाणी थेट गोदापात्रात; यंदा पावसाळी नाले सफाईकडे दुर्लक्ष

यंदा अनेक ठिकाणी पावसाळी गटारी व नाल्यांची साफसफाई झाली नाही.

सकाळ वृत्तसेवा

पंचवटी (नाशिक) : यंदा अनेक ठिकाणी पावसाळी गटारी व नाल्यांची साफसफाई झाली नाही. यामुळे पहिल्याच पावसात वाघाडी नाल्याचे दुर्गंधीयुक्त पाणी गुरुवारी (ता. २३) थेट गोदापात्रात मिसळले. त्यामुळे पावसाळापूर्व गटारींच्या कामांबाबत प्रश्‍नचिन्ह उपस्थित झाले आहे.

म्हसरूळ भागातून वाहत येणारा वाघाडी हा शहरातून वाहणाऱ्या इतर नैसर्गिक नाल्यांसारखा एक नाला. महापालिकेच्या आरोग्य व स्वच्छता विभागातर्फे दरवर्षी पावसाळ्यापूर्वी या नाल्याची इतर नाल्यांबरोबरच स्वच्छता करण्यात येते. परंतु, या वर्षी स्वच्छता न झाल्याने पहिल्याच पावसात नाल्याचा नैसर्गिक प्रवाह बंद झाला. त्यानंतर हे पाणी गौरी पटांगणावर थेट रस्त्यावर येऊन गोदापात्रात मिसळले. गंगाघाटावरील रोकडोबा पटांगणापासून पंचवटीत जाण्यासाठी जवळचा मार्ग आहे. त्यामुळे या मार्गावर नेहमीच गर्दी असते. मात्र, गुरुवारी नागरिकांना वाघाडीचे दुर्गंधीयुक्त पाणी ओलांडून यावे लागल्याने अनेकांनी नाक मुठीत धरून जाणे पसंत केले. रोकडोबा हनुमान मंदिरासमोरील गटारही चोकप झाल्याने दरवर्षीप्रमाणेच तेही पाणी गोदापात्रात मिसळत आहे.

वाघाडीत टाकला जातोय कचरा

पंचवटीतील गणेशवाडी, सरदार चौक, वाघाडी परिसरात नियमित घंटागाड्या येतात. मात्र, असे असूनही अनेक नागरिक सकाळी थेट वाघाडीत टाकत असल्याने या नाल्यात मोठ्या प्रमाणावर कचरा साचला आहे. विशेषतः पंचवटीच्या बाजूने हा कचरा वाघाडीत टाकला जात आहे. त्यामुळे या ठिकाणी मोठ्या प्रमाणावर कचरा साचला आहे. वाघाडीला मोठा पूर आल्यास हा कचरा थेट गोदापात्रात वाहून जाईल, त्यामुळे हा कचरा त्वरित काढावा, अशी मागणी आहे.

मातीचे ढिगारे पडून

गंगाघाटावर मोठ्या प्रमाणावर भूमिगत गटारींची कामे सुरू आहेत. या ठिकाणाहून काढलेली माती गौरी पटांगणावर टाकली जाते व तेथून पुन्हा दुसऱ्या ठिकाणी नेली जाते. म्हणजेच एका कामासाठी दोन वेळेस खर्च केला जात असल्याचे दिसून येते. ही माती ज्या ठिकाणी टाकायची तेथेच थेट नेणे गरजेचे आहे. परंतु, एकाच कामासाठी दोन वेळेस केला जाणारा खर्च नक्की कोणासाठी, असा प्रश्‍न जाणकारांकडून विचारला जातो आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

T Raja Singh Resignation : ‘’आजच्याच दिवशी बरोबर ११ वर्षांपूर्वी मी...’’ ; भाजपने राजीनामा मंजूर करताच टी.राजा भावनिक!

Pune: सूपमध्ये झुरळ सापडले; पण तक्रारीकडे हॉटेल व्यवस्थापनाचे दुर्लक्ष, नंतर महिलेनं...; पुण्यातील खळबळजनक घटना

IND vs ENG 3rd Test: KL Rahul ने झेल सोडला! शुभमन गिल अम्पायरसोबत भांडला; Umpire ने मागे ढकलले अन् म्हणाले, जा...

Hinjewadi Electric Supply : हिंजवडीतील वीजपुरवठा ७२ तासांनी पूर्वपदावर; नागरिकांकडून सुटकेचा निःश्वास

World Record Internet Speed: इंटरनेट स्पीडचा वर्ल्ड रेकॉर्ड! 10,000 पेक्षा जास्त 4K सिनेमे एका क्षणात झाले डाउनलोड, कुठे घडला हा चमत्कार?

SCROLL FOR NEXT