Ironman Success : पोलिस दलातील अक्षय पाटील यांनी कझाकिस्थान येथे आयोजित स्पर्धा वेळेत पूर्ण करून आयर्न मॅन हा बहुमान मिळवला. आयर्न मॅन जगात अतिशय अवघड अशी स्पर्धा मानले जात.

यात चार किलोमीटर स्वीमिंग १८० किलोमीटर सायकलिंग आणि ४२ किलोमीटर रनिंग ही निर्धारित वेळेत पूर्ण करायची असते.

मालेगाव पोलिस दलातील अक्षय पाटील याने ही स्पर्धा वेळेत पूर्ण करत आयर्नमॅनचा किताब पटकावला आहे. या पुरस्काराबद्दल सायकलिस्ट फाउंडेशनतर्फे त्यांचा सत्कार करण्यात आला. (Success Malegaon Police Force Ajay got title of Iron Man nashik)

अक्षय पाटील यांनी ही स्पर्धा अवघ्या चौदा तास वीस मिनिटात पूर्ण केली. पोलिस खात्यातील आपली जबाबदारी सांभाळून सराव करत त्यांनी ही स्पर्धा पूर्ण केली.

यापूर्वी श्री.पाटील यांनी सायकलिंगमध्ये सुपर रॅनडोर, गोवा येथे हाफ आयर्न मॅन ही स्पर्धा पूर्ण केली आहे . सायकलिस्ट फाउंडेशनतर्फे अध्यक्ष सतीश काकळीज यांच्या हस्ते पाटील यांचा सत्कार करण्यात आला.

यावेळी सायकलिस्ट फाउंडेशनचे दादाजी मगर, डॉ.सचिन ठाकरे, जयंत मोरे, डॉ.अतुल गिलाणकर, अशोक सूर्यवंशी, डॉ.तुषार शेलार, जयवंत खरे, डॉ.विलास बागड, एकनाथ भदाणे, डॉ.तेजस शेलार, राजेंद्र ठाकरे, डॉ. प्रशांत पाटील, नरेंद्र पाटील, डॉ. प्रल्हाद ठोके, डॉ. अनिल सूर्यवंशी, राजेंद्र महाजन, पुष्पक निकम, पोलिस उपनिरीक्षक श्री. राजपूत, नीलेश सूर्यवंशी, शंकर कदम, दत्तू देवरे, जीवन खैरनार उपस्थित होते.

हेही वाचा : Credit Card फसवणूक....काय घ्याल काळजी?

"स्पर्धा अतिशय अवघड होती. पण इच्छा आणि जिद्द असली की काही वाटत नाही. पोलिस दलात काम करून हे सर्व करत असताना फार जिकरीचे होते. सर्वांची फार मदत लाभली."

- अक्षय पाटील, आयर्न मॅन

"तरुणांनी व्यायामकडे वळण्याची गरज आहे. तरुण पिढी ही व्यसनाच्या आहारी जात आहे. याकडे लक्ष देणे गरजेचे आहे." - सतीश काकळीज, अध्यक्ष, सायकलिस्ट फाउंडेशन.