Success Story : जिद्द,चिकाटी आणि सातत्यपूर्ण अभ्यासाच्या बळावर कळवण येथील आशिष साहेबराव चव्हाण याने महाराष्ट्र लोकसेवा आयोगातर्फे घेण्यात आलेल्या परीक्षेत यश मिळविले असून सहाय्यक नगररचना अधिकारी पदाला गवसणी घातली आहे.
नुकताच या परीक्षेचा निकाल जाहीर झाला असून आशिषने हे यश संपादन केले आहे. (Success Story Ashish Chavan of Kalwan promoted to post of Assistant Town Planning Officer nashik news)
आशिष हा येथील गव्हर्नमेंट कॉन्ट्रॅक्टर साहेबराव चव्हाण यांचा सुपुत्र असून त्याचे शालेय शिक्षण शरद पवार पब्लिक स्कूल मानुर ता.कळवण येथे झाले आहे.तर कनिष्ठ महाविद्यालयीन शिक्षण के.टी.एच.एम काॅलेज नाशिक येथे झाले आहे.
अभियांत्रिकीची पदवी त्याने के. के. वाघ इंजिनिअरिंग काॅलेज येथून प्राप्त केली असून दोन वर्ष पुणे येथे तर दोन वर्ष कळवण येथूनच महाराष्ट्र लोकसेवा आयोगाच्या परीक्षेचा अभ्यास केला आहे.
महाराष्ट्र लोकसेवा आयोगातर्फे घेण्यात आलेल्या सहाय्यक नगररचना अधिकारी पदाचा निकाल नुकताच जाहीर झाला असून त्यात आशिषने हे यश संपादन केले आहे.त्याच्या या नियुक्तीबद्दल त्याचे सर्व स्तरातून अभिनंदन करण्यात येत आहे.
"शासकीय सेवेत काम करण्याची इच्छा असल्याने अभियांत्रिकीचे शिक्षण पूर्ण झाल्यानंतर स्पर्धा परीक्षेचा अभ्यास करत होतो.अभ्यासात सातत्य ठेवल्याने हे यश प्राप्त झाले आहे."
- आशिष चव्हाण,कळवण
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.