चांदवड (जि.नाशिक) : चांदवड भूमिअभिलेख कार्यालयातील अधीक्षक शरद जगताप यांना तीनशे रुपयांची लाच घेताना लाचलुचपत प्रतिबंधक विभागाच्या पथकाने पकडले.

तक्रारदाराकडून ३०० रुपयांच्या लाचेची मागणी

तक्रारदाराच्या आईचे नावे असलेल्या शिंगवे शिवारातील शेत गट नंबर ६३/१ च्या मोजणीसाठी दिलेल्या अर्जावरून मोजणीच्या नकला व तक्रारदाराच्या मावशीच्या बोराळे शिवारातील शेत गट नंबर ६१ च्या मोजणीकरिता शासकीय शुल्काची रक्कम भरायच्या चलनाची प्रत देण्यासाठी आरोपी लोकसेवक शरद जगताप यांनी तक्रारदाराकडून ३०० रुपयांच्या लाचेची मागणी केली. तक्रारदाराने नाशिकच्या लाचलुचपत प्रतिबंधक विभाग कार्यालयात तक्रार केली होती. या तक्रारीवरून विभागाच्या पथकाने सापळा रचला होता. शरद जगताप यांनी तक्रारदाराकडे पंचांसमक्ष लाचेची मागणी करून ती स्वीकारली. त्याचवेळी सापळा लावलेल्या अधिकाऱ्यांनी पकडले.  

हेही वाचा > अखेर गूढ उकललेच! म्हणून केली रिक्षाचालकाने 'त्या' गर्भवती महिलेची हत्या

हेही वाचा > वाढदिवशीच दोघा मित्रांवर काळाची झडप; 'तो' प्रवास ठरला अखेरचाच