नाशिक : गणेशनगर (ता. नांदगाव) येथील अवैध खडीक्रशर प्रकरणात तेथील मंडळधिकारी बी. एन. पैठणकर यांना निलंबित केले आहे. जिल्हाधिकारी गंगाथरन डी. यांनी कारवाई केली आहे. दरम्‍यान अधिकाऱ्यावर कारवाई करताना दुसरीकडे अवैध उत्‍खनन करणाऱ्या खडीक्रशर चालकावर अद्याप कारवाई न झाल्‍याने प्रश्‍न उपस्‍थित केले जात आहेत.
मालेगावच्या अपर जिल्हाधिकारी माया पाटोळे आणि जिल्हा गौणखनिज विभागातर्फे १४ डिसेंबरला गणेशनगर येथील गट क्रमांक १/१७ येथे कारवाई केली होती. सहा महिन्यांपासून अवैधपणे सुरू असल्‍याचे समोर आले होते. (Talathi and Mandal officials finally suspended in case of illegal gravel crusher Nashik News)
जिल्‍हाधिकारींनी केलेल्‍या सूचनेनुसार कारवाईस्‍थळी वीजपुरवठा खंडीत करण्यात आला होता. खोदकामाची सविस्‍तर माहिती गोळा करण्यास सांगितले हेाते.
तब्‍बल सहा महिन्यांपासून क्रशरचालकाकडून अवैधरित्‍या उत्‍खनन सुरु असताना स्‍थानिक प्रशासनाने कारवाई का केली नाही? तहसिलदारांना उत्‍स्‍खनाची माहित नव्‍हती का? असे प्रश्‍न उपस्‍थित केले जात होते.
या पार्श्‍वभूमीवर अधिकाऱ्यांवर कारवाईचा बडगा उगारण्यात आला आहे. दरम्‍यान नांदगावचे मंडळाधिकारी पैठणकर यांना निलंबित केले असले तरी जिल्हा प्रशासनाने क्रशरचालकाला दंडाची नोटीसही बजावलेली नसल्‍याने आश्‍चर्य व्‍यक्‍त केले जाते आहे. आता यापुढे प्रशासनाची काय भूमिका राहिल, याकडे लक्ष लागून राहाणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.