Nashik Bribe Crime : इगतपुरी तालुक्यातील महसुली विभागातील तलाठी पदावर कार्यरत असलेले सचिन काशिनाथ म्हस्के (वय ३८; सजा सांजेगाव आणि मुरंबी ता.इगतपुरी) यांनी तक्रारदार यांच्याकडे महसुली ७/१२ अभिलेखावर नोंद करून देण्याच्या मोबदल्यात वीस हजार रुपये लाच स्वीकारल्याने लाच लुचपत प्रतिबंधक नाशिक विभागाने गुन्हा दाखल करत अटक करण्यात आली आहे. (Talathi Mhaske is arrested by anti corruption bureau nashik bribe crime news)

तक्रारदार व त्यांचे इतर ३ भागीदार यांनी मिळून इगतपुरी तालुक्यात मुरंबी गाव येथे जमीन खरेदी केली आहे.

सदर जमिनीच्या गाव नमुना ७/१२ महसूल अभिलेखावर् नोंद करून देण्याच्या मोबदल्यात लोकसेवक तलाठी सचिन म्हस्के यांनी वीस हजार रुपये लाचेची मागणी करून शनिवारी (ता.१) वीस हजार रुपये पंच साक्षीदार यांचे समक्ष स्वीकारले म्हणून गुन्हा दाखल करण्यात आला आहे.

हेही वाचा : Credit Card फसवणूक....काय घ्याल काळजी?

सापळा अधिकारी पोलिस निरीक्षक संदीप घुगे, एकनाथ बाविस्कर, प्रकाश महाजन, नितीन नेटारे यांच्या पथकाने ही कारवाई केली.