नाशिक : शालार्थ आयडी प्राप्त करुन घेण्यासंदर्भात शिक्षण उपसंचालक कार्यालयातील कर्मचाऱ्यांकडून हिन वागणूक दिली जाते. अनेक वेळा फाईल सापडत नसल्‍याचे उत्तर दिले जाते, यासह अन्‍य विविध तक्रारींचा पाढा शिक्षक, शिक्षक संघटनांच्‍या पदाधिकाऱ्यांनी वाचला.
यानंतर शालार्थ आयडीचा प्रश्‍न निकाली काढण्यासाठी शिबिर घेणार असल्‍याचे सांगत याबाबत नियोजन करण्याच्‍या सूचना आमदार किशोर दराडे यांनी अधिकार्यांना दिल्‍या. (teachers court became popular over school ID Teachers union officials aggressive Nashik News)
गंगापूर रोडवरील सीएमसीएस महाविद्यालयात शुक्रवारी (ता.२४) शिक्षक दरबार या उपक्रमाचे आयोजन केले होते. शिक्षण उपसंचालक डॉ. भाऊसाहेब चव्‍हाण, शिक्षणाधिकारी (माध्यमिक) प्रवीण पाटील, शिक्षणाधिकारी (प्राथमिक) भगवान फुलारी, वेतन पथक (माध्यमिक)चे अधीक्षक उदय देवरे, वेतन पथक (प्राथमिक) चे अधीक्षक गणेश फुलसुंदर आदी उपस्‍थित होते.
उपस्‍थित शिक्षकांनी सुरवातीपासून शालार्थ आयडीचा विषय लाऊन धरताना कर्मचार्यांकडून मिळणार्या वागणूकीबाबत नाराजी व्‍यक्‍त केली. संबधित कर्मचार्यांची उच्च स्‍तरीय चौकशी करण्याची मागणी यावेळी करण्यात आली.
त्‍यानुसार याबाबत चौकशी करून आमदार दराडे यांना अहवाल सादर करणार असल्‍याचे शिक्षण उपसंचालक डॉ. चव्‍हाण यांनी जाहीर केले. शालार्थ आयडीचा प्रश्‍न मार्गी लावण्यासाठी शिबिर घेण्याबाबत आमदार दराडे यांनी सूचना केल्‍या. मोहन चकोर यांनी सूत्रसंचालन व विषयपत्रिका वाचन केले.
इतिवृत्तावरुन खडसावले
मागील शिक्षक दरबारातील इतिवृत्ताबाबतची विचारणा आमदार दराडे यांनी केली. परंतु अहवाल उपलब्‍ध नसल्‍याचे समजताच त्‍यांनी उपस्‍थित अधिकाऱ्यांना चांगलेच खडसावले. यंदाच्‍या शिक्षक दरबारापासून सर्व बाबींच्‍या नोंदी घेऊन पुढील दरबारात केलेल्‍या कार्यवाहीबाबत तपशीलवार माहिती देण्याच्‍या सूचना त्‍यांनी केल्‍या.
हेही वाचा : ..ही काळजी घ्या नाहीतर खिसा होईल साफ!
याविषयांवर झाली चर्चा
नाशिक विभागातील प्रयोगशाळा सहायकांना इतर विभागांप्रमाणे वेतनश्रेणी देण्याची मागणी करण्यात आली. सेवानिवृत्त प्रकरणाबाबत दिरंगाई, शालार्थ आयडी देणेबाबत दिरंगाई, नियमित शिक्षकांच्‍या प्रलंबित पगारावर चर्चा करण्यात आली.
सातव्‍या वेतन आयोगाचा तिसरा हप्ता मिळण्यासह वैद्यकीय बिलांमध्ये होणारी कपात कुठल्‍या आधारे केली जाते, यावर उपस्‍थित शिक्षकांनी बोट ठेवला.
जुन्‍या पेन्‍शनसाठी एकत्र या ः दराडे
जुनी पेन्‍शन योजना लागू व्‍हावी, हीच सर्वांची मागणी आहे. त्‍यामुळे गटतट, विचारधारेतील फरक हे सर्व काही विसरून शिक्षक, शिक्षकेतर कर्मचाऱ्यांनी एकत्रित यावे, असे आवाहन आमदार किशोर दराडे यांनी केले. आगामी अधिवेशनात जुन्‍या पेन्‍शन योजनेबाबत पाठपुरावा करणार असल्‍याचे आश्‍वासन त्‍यांनी दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.