Nashik Winter Update : गेल्या दोन-तीन दिवसांपासून बदललेल्या वातावरणामुळे निफाड तालुक्यातील थंडीच्या कडाक्याने घसरणारा पारा सध्या चिंतेचा बनला आहे सोमवारी (ता. १५) ६.५ अंशावर असलेल्या वातावरणात थोडासा दिलासा मिळत मंगळवारी (ता. १६) ७.४ अंश वातावरण होते.

सध्या निफाड तालुक्यात द्राक्ष हंगाम सुरू होण्याची स्थितीत असताना, बदलत्या वातावरणामुळे द्राक्ष उत्पादक शेतकरी हबकला कला आहे. (temperature at 7.4 degrees in niphad nashik winter update news)

थंडीपासून बचावासाठी शेकोट्या पेटल्याचे चित्र तालुक्यात आहे. तालुक्यात लवकरच द्राक्ष तोडणी हंगामाला सुरवात होणार आहे. काही ठिकाणी व्यापारी द्राक्षाचे दर ठरविणे सुरू असताना, अचानक वातावरण बदलल्याने शेतकरी चिंतित झाले आहेत. तरुण शेतकऱ्यांनी वाढत्या थंडीपासून द्राक्षांना वाचविण्यासाठी सोशल मीडियावरून सल्ले देण्यास सुरवात केली आहे. सध्याचे वातावरण गहू व हरभरा पिकांना पोषक आहे.

''तालुक्यातील शेतकऱ्यांनी मोठ्या कष्टाने विपरित वातावरणातून सध्या द्राक्ष बागा फुलविल्यात आहेत. मात्र, बदललेल्या वातावरणाने द्राक्ष बागायतदारापुढे संकट उभे केले आहे. त्याही परिस्थितीत बागा वाचवण्यासाठी शेतकरी धडपड करताना दिसत आहेत.''-बाबूराव सानप, द्राक्ष उत्पादक, सोनेवाडी