नाशिक रोड : देवळालीगाव येथे सुंदर नगर मध्ये राहणाऱ्या सोनाली दिनकर निकुंभ (वय १०) या शाळेकरी बालिकेचा विजेच्या धक्क्याने जागीच मृत्यू झाला. बॅडमिंटन खेळत असताना वायरला अडकलेले बॅडमिंटनचे फुल काढताना विजेचा धक्का बसल्याने तिचा मृत्यू झाल्याची दुर्देवी घटना समोर आली आहे.

नेमकं घडलं काय?

याबाबत अधिक माहिती अशी की, सुदंरनगर येथील सोनाली दिनकर निकुंभ (वय १०) ही मैत्रिणी सोबत आज सायंकाळी बॅडमिंटन खेळत होती. खेळता-खेळता बॅडमिंटनचे फुल घराजवळील वीजप्रवाह असलेल्या तारेत अडकले. सोनाली आणि मैत्रिणी ने फुल काढण्यासाठी मोठी कसरत केली मात्र फुल निघेना. फुल काढण्यासाठी सोनाली घराच्या टेरेस वर जाऊन काही लांब वस्तू शोधत असतांना दुर्दैवाने तिच्या हातात लोखंडी पाईप हाती लागला, त्याने ते फुल काढत असतांना तारेतील वीज प्रवाह लोखंडी पाईप ला लागताच,सोनालीला जोरदार झटका लागलात्यात ती बेशुद्ध झाली. आजूबाजूला माहिती समजताच त्यानी सोनालीला उपचारासाठी बिटको हॉस्पिटलमध्ये दाखल केले असता तिथे तिला मयत घोषित केले.

घटनास्थळी नगरसेवक जगदीश पवार यांनी धाव घेतली. सोनालीचे वडील दिनकर निकुंभ यांचा फर्निचरचा व्यवसाय आहे तर सोनाली विहितगाव मराठी शाळेत इयत्ता सहावी मध्ये शिकत होती. तिच्या पश्चात आई, वडील, लहान भाऊ, आणि बहिण असा परिवार आहे. तिच्या दुर्दैवी मृत्यू ने परिसरात हळहळ व्यक्त होत आहे. उपनगर पोलिस ठाण्यात आकस्मित मृत्यूची नोंद केली