Manoj Jarange Patil : मराठा समाज आरक्षण लढ्याचे योध्दा मनोज जरांगे पाटील साल्हेर किल्ल्यावर जाण्यापूर्वी ७ फेब्रुवारीला रात्री उशिरा नाशिक मुक्कामी येतील.

गुरीवारी (ता.८) सकाळी सातला नांदुरीगड येथील सप्तश्रृंगीदेवीचे दर्शन घेऊन ते कळवण व देवळा येथील छत्रपती शिवाजी महाराजांच्या पुतळ्यास अभिवादन व पुष्पहार अर्पण करणार आहेत. (today Jarange Patil will go from Nashik via Vani Deola nashik news )

त्यानंतर लोहोणेर, ठेंगोडा येथील जागृत देवस्थान गणपतीचे दर्शन घेऊन ते सटाण्याकडे रवाना होतील. दुपारी अकराच्या दरम्यान सटाणा येथील चौफुलीवर शिवछत्रपती शिवाजी महाराजांच्या पुतळ्यास पुष्पहार अर्पण करून अभिवादन करतील.

दुपारी विरगाव-ताहाराबादमार्गे किल्ले साल्हेर-मुल्हेरकडे रवाना होतील. ८ फेब्रुवारीला सकाळी सातला ते नाशिकहून वणी गडावर जाताना समाज बांधवांच्या भेटी घेतलीना बरोबर घेऊन दिंडोरी, कळवण, देवळा, सटाणा तालुक्यातून हजारो माता-भगिनी व समाज बांधवांना भेटणार आहेत.

त्यामुळे कसमादेमध्ये उत्सवाचं वातावरण पसरले आहे. पहिल्यांदाच कसमादेच्या भूमीत जंरागे पाटीलाचे आगमन होत असल्याने या भागातील समाज बांधवांनी जरागे पाटलांच्या स्वागतासाठी उपस्थित राहण्याचे आवाहन मराठा क्रांती मोर्चाचे नाशिकचे समाजबांधव श्रीराम कुरणकर पाटील, करण गायकर, विलास पांगरकर, नाना बच्छाव आदींनी केले आहे अशी माहिती स्वाभिमानी शेतकरी संघटनेचे समन्वयक कुबेर जाधव यांनी दिली.