मालपूर जि. प. शाळेत शैक्षणिक साहित्य वाटप दोंडाईचा : मालपूर (ता. शिंदखेडा) येथील जिल्हा परिषद शाळेत पहिलीत दाखलपात्र विद्यार्थ्यांना शैक्षणिक साहित्य कंपासपेटीचे वाटप करण्यात आले. जिल्हा परिषदेचे माजी उपाध्यक्ष महावीरसिंह रावल यांच्या सौजन्याने विद्यार्थ्यांना शैक्षणिक साहित्याचे वाटप महिला बालकल्याणच्या माजी सभापती पुप्षाकुमारी रावल यांच्या हस्ते करण्यात आले. या वेळी मुख्याध्यापक राजेंद्र चौधरी, शालेय व्यवस्थापन समितीचे अध्यक्ष रोहिदास खलाणे, एस. एस. भलकार, चंचल नागरे, गौतम पानपाटील आदी उपस्थित होते.