मानूर डी. फार्मसीत योगेश्वरी खैरनार प्रथम कळवण ता.२२ ः श्री गुरुदत्त शिक्षण संस्था संचलित कॉलेज ऑफ फार्मसी, मानूर महाविद्यालयाचा उन्हाळी परीक्षाचा निकाल जाहीर झाला. त्यात, द्वितीय वर्षा योगेश्वरी खैरनार महाविद्यालयात प्रथम आली.प्रथम वर्ष डी फार्मसीचा निकाल १०० टक्के लागला यात पल्लवी दत्तू बोरसे हिने ८४.८० टक्के गुण मिळवित प्रथम अश्विनी सुभाष निकम हिने ८४.७० टक्के (द्वितीय), तर लिडिया मिसाव ८४ टक्के गुण मिळवित तृतीय क्रमांक मिळविला. अंतिम वर्ष डी फार्मसीचा निकाल १०० टक्के लागला. यात योगेश्वरी शैलेश खैरनार हिने ८६.३६ टक्के गुण मिळवत (प्रथम), नीलम राजेंद्र भामरे व साक्षी विठ्ठल देशमुख यांना ८५.९१ टक्के समान गुण मिळवीत (द्वितीय) तर गायत्री समाधान सूर्यवंशी हिने ८१.४६ टक्के गुण मिळवीत तृतीय क्रमांक पटकाविला. अशी माहिती महाविद्यालयाचे प्राचार्य डॉ. किशोर कोठावदे यांनी दिली.