मालेगावचा पारा ४२ अंशावर स्थिर मालेगाव : शहर व परिसरात उन्हाचा तडाखा कायम आहे. गेल्या दोन दिवसापासून पारा ४२ अंशावर स्थिर आहे. चार दिवसापूर्वी पारा ४३.८ अंशावर गेला होता. पारा घसरल्याने शहरवासियांना काहीसा दिलासा मिळाला. शुक्रवारी (ता. १५) दुपारनंतर ऊन - सावलीचा खेळ सुरु झाल्याने नागरीकांना दिलासा मिळाला. किमान तापमान देखील २५.६ अंश सेल्सिअसपर्यंत खाली आले आहे. मालेगावला १२ मेस हंगामातील सर्वोच्च ४३.८ अंश सेल्सिअस तापमान नोंदले गेले. ११ ते १३ मे या कालावधीत पारा ४३ ते ४४ अंशादरम्यान होता. दोन दिवसापासून पारा ४२ अंशावर स्थिरावला आहे. कमाल तापमानाबरोबरच किमान तापमानातही वाढ झाल्याने रात्रीचा उकाडा वाढला आहे. १३ मेस किमान तापमान २८.८ अंश सेल्सिअस एवढे नोंदले गेले. आगामी काळात कडक उन्हाबरोबरच बेमोसमी पावसाची शक्यता वर्तवली जात आहे.