सिद्धी अकॅडमीत जिजाऊना अभिवादन नामपूर : करंजाड (ता. बागलाण) येथील डॉ. सोनवणे यांच्या सिद्धी एज्युकेशनल अकॅडमीत राजमाता जिजाऊ पुण्यतिथी विविध उपक्रमांनी साजरी करण्यात आली. यावेळी शाळेतील अनेक विद्यार्थिनींनी राजमाता जिजाऊ यांची वेशभूषा केली होती. मविप्रचे तालुका संचालक डॉ. प्रसाद सोनवणे, व्यवस्थापक अमर रोहमारे, मुख्याध्यापक प्रदीप घरटे, उपमुख्याध्यापक अमोल खैरनार आदीच्या हस्ते प्रतिमापूजन झाले. प्रास्ताविक सुवर्णा भामरे यांनी केले. प्रभावी भाषण करणाऱ्या वेद सोनवणे यास मान्यवरांच्या हस्ते गौरविण्यात आले. मोगरा ग्रुपतर्फे प्रश्नमंजुषा स्पर्धा घेण्यात आली. सुवर्णा भामरे यांनी आभार मानले.