नामपूरला पहिल्या पावसाची हजेरी नामपूर : गेल्या अनेक दिवसांपासून चातकासारखी आतुरतेने वाट पाहणाऱ्या नामपूरकरांची प्रतीक्षा अखेर संपली. शहरात दुपारच्या सुमारास दोनवेळा मान्सूनच्या पावसाने हजेरी लावल्याने असह्य उकाड्यापासून सुटका झाली आहे. दुपारनंतर पावसाच्या सरींनी संपूर्ण परिसराला चिंब भिजवून टाकले. सोमवार आठवडे बाजाराचा दिवस असल्याने भाजीपाला विक्रेते, अनेक व्यावसायिक, नागरिकांचे अचानक आलेल्या पावसामुळे हाल झाले. लग्नाची तिथी असल्याने शहरातील मंगल कार्यालयात अडकून पडलेल्या वऱ्हाडी मंडळीना पावसामुळे अनेक अडचणींचा सामना करावा लागला. ऐन शाळा सुटण्याच्या वेळी पावसाला सुरुवात झाल्याने पहिल्या पावसात भिजून घर गाठण्याचा आनंद चिमुकल्यांनी घेतला. नामपूर : बसस्थानक परिसरात साचलेले पाणी