संक्षिप्त ओखा-तिरुपती रेल्वे आत नियमित एक्स्प्रेस जळगाव : रेल्वे प्रशासनाने प्रवाशांच्या सोयीसाठी ओखा ते तिरुपती दरम्यान धावणाऱ्या साप्ताहिक विशेष गाडीचे नियमित एक्स्प्रेस सेवेत रूपांतर केले आहे. आता ही गाडी नवीन क्रमांकांसह धावेल. गाडी संख्या १९५६० ओखा-तिरुपती साप्ताहिक एक्स्प्रेस ११ मेपासून दर सोमवारी ओखा येथून रात्री ११.३५ वाजता सुटेल आणि तिसऱ्या दिवशी रात्री ११.३० वाजता तिरुपती येथे पोहोचेल. परतीच्या प्रवासात गाडी संख्या १९५५९ तिरुपती-ओखा साप्ताहिक एक्स्प्रेस १४ मेपासून दर गुरुवारी सकाळी ८.१५ वाजता तिरुपती येथून सुटून तिसऱ्या दिवशी सकाळी ११.५० वाजता ओखा येथे पोहोचेल. या प्रवासात गाडीला द्वारका, सुरत, नंदुरबार, अमळनेर, जळगाव, भुसावळ, अकोला, नांदेड, काचीगुडा या प्रमुख स्थानकांवर थांबे असतील. या गाडीत वातानुकूलित, शयनयान आणि सामान्य द्वितीय श्रेणीचे डबे समाविष्ट आहेत.