NSK26H19245 जळगाव : प्रशंजित निकम यांना नियुक्तिपत्र देताना मुख्‍य कार्यकारी अधिकारी करिश्‍मा नायर. शेजारी उपमुख्य कार्यकारी अधिकारी मनोज चौधर, कनिष्ठ प्रशासन अधिकारी मनोज पाटील. --- तीन वर्षांपासूनची प्रतीक्षा संपली; उमेदवाराला मिळाले नियुक्तिपत्र सकाळ वृत्तसेवा जळगाव, ता. १४ : जिल्हा परिषद अंतर्गत आरोग्य विभागातील औषध निर्माण पदाच्या सन २०२३ मध्‍ये सरळ सेवा भरती प्रक्रिया राबविण्यात आली होती. या भरती प्रक्रीयेच्‍या प्रतीक्षा यादीत असलेल्‍या उमेदवाराला तीन वर्षानंतर अखेर आज (ता.१४) नियुक्तिपत्र देण्यात आले आहे. जिल्‍हा परिषदेच्‍या आरोग्‍य विभागातील औषध निर्माण या पदासाठी भरती प्रक्रिया झाली होती. या प्रक्रियेतील प्रतीक्षा यादीवरील उमेदवार प्रशंजित निकम यांना मुख्य कार्यकारी अधिकारी करिश्मा नायर यांच्या हस्ते आज (ता.१४) नियुक्तिपत्र प्रदान करण्यात आले. या उमेदवारास जिल्हा परिषदेच्या आरोग्य विभागात नियुक्ती देण्यात आली आहे. यावेळी सामान्‍य प्रशासन विभागाचे उपमुख्य कार्यकारी अधिकारी मनोज चौधर तसेच कनिष्ठ प्रशासन अधिकारी मनोज पाटील उपस्थित होते.