फोटो : NSK26H19280 (प्रियांक कानुनगो) -- मानवाधिकार आयोग सदस्य जिल्हा दौऱ्यावर नंदुरबार : राष्ट्रीय मानवाधिकार आयोगाचे सदस्य प्रियांक कानूनगो हे १९ व २० मे रोजी नंदुरबार जिल्ह्याच्या दौऱ्यावर येत आहेत. या दौऱ्यात ते जिल्ह्यातील मानवाधिकार विषयक बाबींचा आणि सर्वसमावेशक विकास कामांचा सखोल आढावा घेणार आहेत. मंगळवारी त्यांचे नंदुरबारात आगमन होईल. बुधवारी सकाळी स्थानिक भेटींनंतर ते तोरणमाळ (ता. धडगाव) येथे नागरिकांशी संवाद साधतील. दुपारी नंदुरबार येथे मानवाधिकार आयोगाच्या निर्देशानुसार विकास कामांच्या अंमलबजावणीची प्रत्यक्ष स्थिती जाणून घेतली जाईल. या महत्त्वपूर्ण दौऱ्यासाठी संबंधित विभागाच्या अधिकाऱ्यांनी आवश्यक माहितीसह उपस्थित राहण्याच्या सूचना प्रशासनाने दिल्या आहेत, अशी माहिती निवासी उपजिल्हाधिकारी आशा संघवी यांनी दिली. ---