बांगलादेशी महिलेला जामीन नाकारला जळगाव : शहरातील जोशी पेठ परिसरात विनापरवाना वास्तव्यास असलेल्या बांगलादेशी महिलेचा जामीन अर्ज न्यायालयाने फेटाळून लावला. कोणीका राणी शामलचंद्र राय (वय २०, रा. बेतुरा, जि. दिनाजपूर, बांग्लादेश) असे महिलेचे नाव आहे. शनिपेठ पोलिसांनी १० मेस महिलेला ताब्यात घेतले होते. चौकशीत ती आवश्यक कागदपत्रांशिवाय जळगावाात राहत असल्याचे निष्पन्न झाले. त्यानंतर पोलिसांनी तिच्याविरोधात गुन्हा दाखल करून अटक केली होती. न्यायालयाने तिला न्यायालयीन कोठडी सुनावल्यानंतर महिलेने जामिनासाठी अर्ज केला होता. मात्र, प्रकरणाचे गांभीर्य लक्षात घेऊन न्यायालयाने तिचा जामीन अर्ज फेटाळून लावला. शनिपेठ पोलिसांकडून तपास सुरू आहे.