संक्षिप्त ----- आरोग्यदायी जीवनशैलीचा जळगावात केला संकल्प जळगाव : भारत विकास परिषदेची जळगाव शाखा व सॅटर्डे क्लब ग्लोबल ट्रस्ट यांच्या संयुक्त विद्यामाने आयोजित आंतरराष्ट्रीय योगदिनाच्या कार्यक्रमात आरोग्यदायी जीवन शैलीचा संकल्प करण्यात आला. रिंगरोडवरील शिक्षकवाडीतील आर्ट ऑफ लिव्हीग सेंटर येथे योगदिनाच्या कार्यक्रमात सुधाकर टोके यांनी योगाचे प्रात्यक्षिक करून घेत मार्गदर्शन केले. त्यांनी योग हा निरोगी, आनंदी व संतुलित जीवनाचा पाया आहे, असे सांगून योग करा, निरोगी व आनंदी रहा, असा संदेश दिला. कार्यक्रमास दोन्ही संस्थांचे पदाधिकारी व सदस्य मोठ्या संख्येने उपस्थित होते.