फोटो: 24335 मुख्याधिकारी जाधव यांना बढती नाशिक : त्र्यंबकेश्वर नगरपालिकेचे मुख्याधिकारी गोविंद जाधव यांना मुख्याधिकारी ब वर्गातून अ वर्गात बढती मिळाली आहे. पदोन्नती झाली तरी त्यांची बदली होणार नसून त्र्यंबकेश्‍वरमधेच कार्यरत राहतील. गोविंद जाधव यांनी २५ मार्च २०२६ पासून त्र्यंबकेश्‍वर नगरपालिकेचा कार्यभार हाती घेतला. त्र्यंबकेश्‍वरला येण्यापूर्वीच त्यांना बढती मिळणे अपेक्षित होते. मात्र, प्रशासकीय प्रक्रिया पूर्ण होण्यापूर्वीच त्यांची नियुक्ती करत शासनाने त्यांच्यावर विश्‍वास दाखविला. गेल्या तीन महिन्यांत त्र्यंबकेश्‍वरमध्ये कुंभमेळा व नगरपालिका प्रशासनाने विविध विकास कामे हाती घेतली आहेत. नगराध्यक्ष त्रिवेणी तुंगार, नगरसेवक विष्णू दोबाडे यांनी मुख्याधिकारी जाधव यांचे अभिनंदन केले.