योग दिनानिमित्त व्यापक अभियान नाशिक : आंतरराष्ट्रीय योग दिनाच्या पार्श्वभूमीवर आरोग्य योग ॲन्ड निसर्गोपचार संस्थेतर्फे २८ मे ते २१ जूनदरम्यान व्यापक योग जनजागृती अभियान ऑनलाइन आणि ऑफलाइन माध्यमांतून राबवण्यात आले. अभियानातून ४५०० हून अधिक नागरिकांपर्यंत योगाचे महत्त्व पोचल्याची माहिती समन्वयक स्नेहल कुलकर्णी-पाटील यांनी दिली. सामाजिक दायित्वातून संस्थेने दोनशेहून अधिक नागरिकांना मोफत योगाभ्यास शिकविला. अभियानांतर्गत शाळा, महाविद्यालय, महापालिका शाळा तसेच विविध सामाजिक संस्थांमध्ये योग सत्रांचे आयोजन करण्यात आले. गोविंदनगर, सातपूर आणि नाशिक रोड परिसरात आयोजित विशेष योग शिबिरांमध्ये विद्यार्थी, शिक्षक, गृहिणी, युवक आणि ज्येष्ठ नागरिकांनी सहभाग नोंदविला. ------------