नेहरुनगरात घरफोडी; तिघे अटकेत जळगाव, ता. २४ : नेहरुनगरातील घरफोडीचा छडा लावण्यात पोलिसांना यश आले आहे. पोलिसांनी तिघा चोरट्यांना अटक केली. त्यांच्याकडून चोरीचे चांदीचे देव, सिलिंडर तसेच, पितळी व तांब्याची भांडी, असा एकूण २३ हजारांचा ऐवज हस्तगत केला. नेहरूनगरमध्ये गोविंद रामदास पाटील पत्नीसमवेत नातवंडाच्या भेटण्यासाठी ८ जूनला घराला कुलूप लावून गावी गेले होते. ते २० जूनला परतले. त्यांना घरचा दरवाजा उघडा दिसला. घरात पाहणी करून एमआयडीसी पोलिसांत चोरीची तक्रार दिली होती. निरीक्षक बबन आव्हाड यांच्या पथकाने तांबापुरा परिसरात सापळा रचून दीपक राजू पाटील (वय २४) शाहरुख शहा सिकंदर शहा (दोघे रा. पंचशीलनगर, तांबापुरा), मुकेश राजू परमार (२२, गौतमनगर, तांबापुरा) या तिघांना अटक करून चोरीचा पूर्ण ऐवज परत मिळविला.