मेनच्या बाजूला सिंगल कॉलम --- रावेर तालुक्यातील ४ मंडळांत अतिवृष्टी जळगाव, ता. २५ : रावेर तालुक्यात बुधवारी (ता.२४) झालेल्या मुसळधार पावसामुळे नऊ महसूल मंडळांपैकी चार मंडळांत शंभर मिलिमीटरपेक्षा अधिक पाऊस पडून अतिवृष्टी झाली. तालुक्यात सर्वाधिक पाऊस केऱ्हाळा मंडळात २०३ मि.मी, तर सर्वात कमी सावदा मंडळात ४ मि. मी. पडला. या पावसामुळे मंगरूळ धरण ओव्हर फ्लो झाले आहे. इतर धरणांच्या जलसाठ्यात वाढ झाली आहे. तालुक्यात बुधवारी(ता.२४) दुपारी एकपासून तब्बल तीन तास मुसळधार पाऊस झाला. त्यानंतर सायंकाळपर्यंत पावसाची रिपरिप सुरूच होती. रात्री दहानंतर पावसाची रिपरिप सुरू होती. तालुक्यातील सर्वच नदी, नाले दुथडी भरून वाहू लागले होते. पावसाने गुरुवारी दुपारपर्यंत उसंत घेतली.