अवतीभवती बहिणाबाई ज्येष्ठ नागरिक संस्थेतर्फे आरोग्य शिबिर जळगाव : बहिणाबाई ज्येष्ठ नागरिक महिला संस्थेच्या १८ व्या वर्धापन दिनानिमित्त तसेच गोदावरी वासुदेव पाटील यांच्या प्रथम स्मृती दिनानिमित्त रविवारी (ता.२८) मोफत आरोग्य तपासणी शिबिराचे आयोजन करण्यात आले आहे. हे शिबिर सकाळी १० ते दुपारी १२ या वेळेत चैतन्य नगर येथील ज्येष्ठ नागरिक संघ, कन्या शाळेजवळ येथे होणार आहे. या शिबिरासाठी महादेव हॉस्पिटल यांचे सहकार्य लाभणार असून ज्येष्ठ नागरिक महिला संस्थेच्या अध्यक्षा आशा तळेले व कार्यकारिणी मंडळाच्या पुढाकाराने हा उपक्रम राबविण्यात येत आहे. शिबिरात रक्तदाब, मधुमेह, हृदयविकार, सर्वसाधारण आरोग्य तपासणी आदी सुविधा उपलब्ध करून दिल्या जाणार आहेत. ज्येष्ठ नागरिकांनी आपल्या आरोग्याबाबत जागरूक राहावे आणि वेळोवेळी तपासणी करून घ्यावी, असे आवाहन संस्थेने केले आहे. ---------