२०-१ बैठकीला दांडी, दोघांना नोटीस नाशिक : राज्याच्या पाणीपुरवठा विभागाच्या सचिवांनी ऑनलाइन बोलविलेल्या बैठकीस दांडी मारणे कार्यकारी अभियंता रवींद्र महाजन व उपकार्यकारी अभियंता प्रतीक्षा नेरकर यांना भोवले आहे. मुख्य कार्यकारी अधिकारी ओमकार पवार यांनी दोघांना नोटीस बजावली आहे. जलजीवन मिशनअंतर्गत पाणीपुरवठा योजनांच्या समस्या वाढल्या आहेत, त्यामुळे पाणीपुरवठा विभागाच्या सचिवांनी व्हीसीद्वारे जिल्ह्यातील टंचाई व पाणीपुरवठा योजनांची आढावा बैठक घेतली होती. बैठकीसाठी दुष्काळी तालुका असलेल्या सिन्नर व पेठ तालुक्यातील प्रत्येकी पाच ग्रामपंचायतींच्या सरपंचांना पाचारण केले होते. ---------------