शिवडे, पांढुर्ली परिसरात मुसळधार पांढुर्ली ः येथे व परिसरात मंगळवारी दुपारी चारच्या सुमारास मुसळधार पाऊस झाला. एक तास झालेल्या या पावसामुळे शेतात मोठ्या प्रमाणावर पाणी साचले होते. तर सावतामाळीनगर भागातील नाल्यात पाणी वाहू लागले. नदीत बांधलेल्या बंधाऱ्याच्या पाण्यात वाढ झाली. पावसाने बळीराजा सुखावला आहे. भगूर, पांढुर्ली, विंचूरदळवी, घोरवड, शिवडा भागात पाऊस झाला. शिवडे येथे मुसळधार पाऊस झाल्याने शेतात पाणी साचले. या पावसाने हवेत गारवा निर्माण झाला.