ग्रीष्म अयन दिनानिमित्त निमझरी येथे व्याख्यान शिरपूर : निमझरी येथील आर. सी. पटेल आश्रमशाळेत भूगोल विभागातर्फे ग्रीष्म अयन दिनानिमित्त विशेष व्याख्यान नुकतेच पार पडले. प्राचार्य पी. पी. चव्हाण अध्यक्षस्थानी होते. ‘ग्रीष्म अयन : वर्षातील सर्वात मोठा दिवस आणि त्यामागील विज्ञान’ या विषयावर मार्गदर्शन करतांना भूगोल विभागप्रमुख डॉ. कैलास पाटील यांनी २१ जून हा उत्तर गोलार्धातील वर्षातील सर्वात मोठा दिवस व सर्वात लहान रात्र का असते, यामागील वैज्ञानिक कारणे सांगितली. पृथ्वीचा अक्षीय कल, ऋतूनिर्मिती आणि हवामानावरील परिणाम याबाबत माहिती दिली. ए. पी. माळी यांनी ग्रीष्म अयनाचा शेती, पर्यावरण आणि मानवी जीवनावर होणारा परिणाम स्पष्ट केला. काशीराम पावरा यांनी सूत्रसंचालन केले. उज्ज्वला पावरा हिने आभार मानले.