फोटो ः 02666 साक्री ः येथे योग शिबीराचे उद्घाटन करताना मान्यवर. ---- साक्रीत पतंजलीतर्फे योग दिवस साजरा साक्री : येथील न्यू इंग्लिश स्कूलच्या पटांगणावर आंतरराष्ट्रीय योग दिवस साजरा करण्यात आला. याप्रसंगी कावठे येथील मातृ-पितृ, आचार्य स्वयंसेवी सेवाभावी संस्था तथा शिवप्रतिष्ठान महाराष्ट्राचे अध्यक्ष प्राचार्य डॉ. बी. एस. पाटील, साक्री तालुका एज्युकेशन सोसायटीचे विश्वस्त संजू पाटील आणि मुख्याध्यापक प्रमोद बेडसे उपस्थित होते. कार्यक्रमासाठी पतंजली योगपीठ हरिद्वारतर्फे महाराष्ट्र पूर्वचे राज्य प्रभारी अनिल अमृतवाल यांचे योगाबद्दल मोलाचे मार्गदर्शन लाभले. यावेळी स्थानिक योगशिक्षक दिलीप बोरसे व हेमंत जाधव यांनी उपस्थितांना योगासनांचे प्रात्यक्षिक करून दाखविले. अनिल अमृतवार यांनी सूत्रसंचालन केले. ---