मुखवटा चोरी प्रकरणी संशयित ताब्यात सिन्नर ः दोडी बुद्रुक येथील बिरोबा देवाचा चांदीचा मुखवटा चोरणाऱ्यास वावी पोलिसांनी अटक केली. त्याने लपवून ठेवलेला हा मुखवटाही पोलिसांनी जप्त केला. संशयितावर गुन्हा दाखल झाला. सहाय्यक निरीक्षक गणेश शिंदे, हवालदार निरगुडे, गोरे, गणेश पवार, सागर सारंगधर, किरण पवार, रोशन गायकवाड, गिलबिले, बहिरम यांच्या पथकाने ही कारवाई केली. पोलसांनी गोपनीय माहितीच्या आधारे संशयिताची माहिती मिळवली. संशयित कार्तिक भीमा शिंदे (रा. दोडी बुद्रुक) यास ताब्यात घेतल्यानंतर त्याची चौकशी केली असता चोरीची कबुली त्याने दिली. चोरीस गेलेला चांदीचा मुखवटा दोडी येथील उगलेवाडी शिवारात शेताच्या बांधावर दगडात लपवून ठेवण्यात आला होता. संशयित कार्तिक शिंदे यास न्यायालयाने दोन दिवसांची पोलिस कोठडी सुनावली आहे.