डॉ. मुखर्जी यांना चिकसे येथे अभिवादन वार्सा : चिकसे (ता. साक्री) येथे पिंपळनेर ग्रामीण भाजप मंडळाच्या वतीने भारतीय जनसंघाचे संस्थापक अध्यक्ष डॉ. श्यामाप्रसाद मुखर्जी यांची पुण्यतिथीनिमित्त अभिवादन करण्यात आले. कार्यक्रमाची सुरुवात उपसरपंच प्रतिनिधी सुरेश खैरनार व बापू अहिरे यांच्या हस्ते डॉ. मुखर्जी यांच्या प्रतिमेचे पूजन करून झाली. यावेळी मंडळाचे सरचिटणीस धनंजय घरटे यांनी डॉ. मुखर्जी यांच्या जीवनप्रवासाचा आणि काश्मीरमधील विशेष दर्जाविरोधातील त्यांच्या ऐतिहासिक लढ्याचा आढावा घेतला. या कार्यक्रमास पिंपळनेर मंडळाचे अध्यक्ष विकी कोकणी, उपाध्यक्ष योगेश भामरे, महेंद्र जगताप, माजी शहराध्यक्ष नितीन कोतकर, धुळे जिल्हा शिक्षक आघाडीचे उपाध्यक्ष डी. डी. महाले, युवा अध्यक्ष पंकज भावसार यांच्यासह रवींद्र खैरनार, हर्षल वाघ, जयेश काळे व इतर पदाधिकारी उपस्थित होते. --