25756 येवला : मोहरम निमित्त काढण्यात आलेली मिरवणूक. मोहरमनिमित्त येवल्यात ताजियाची मिरवणूक सकाळ वृत्तसेवा येवला,ता.२६ : शहरात शुक्रवारी (ता.२७) मोहरम सणानिमित्त ताजियाची सवाद्य मिरवणूक उत्साहात काढण्यात आली. मिरवणुकीत मुस्लिम बांधवांनी मोठ्या संख्येने सहभाग नोंदविला. पारंपरिक पद्धतीने सजविण्यात आलेल्या ताजियांनी मिरवणुकीचे आकर्षण वाढविले. ढोल-ताशांच्या निनादात तसेच धार्मिक घोषणांच्या वातावरणात मिरवणूक शांततेत आणि शिस्तबद्ध पद्धतीने पार पडली. येवल्यात दरवर्षी ताजिया मिरवणूक काढण्याची परंपरा आहे. यावेळी जरार पैलवान,माजी नगराध्यक्ष शफिक शेख, नगरसेवक लतिफ लखपती, वसीम अन्सारी, आनिस पानवाले यांच्यासह मुस्लिम समाजातील ज्येष्ठ नागरिक, युवक आणि भाविक मोठ्या संख्येने उपस्थित होते.