नाशिक : येथील पोलिस आयुक्‍तालयात कार्यरत असलेल्‍या उपायुक्‍त पौर्णिमा चौघुले-श्रींगी यांची मंगळवारी (ता.२८) बदली करण्यात आली आहे.

गृह विभागाच्‍या आदेशानुसार मीरा -भाईंदर -वसई -विरार पोलिस आयुक्तालयात उपायुक्त या पदावर त्‍यांची नियुक्ती जाहीर केली आहे. त्‍यांच्‍या बदलीने रिक्‍त झालेल्‍या उपायुक्‍त पदावर अन्‍य अधिकाऱ्यांची नियुक्‍ती दिलेली नाही. (Transfer of Deputy Commissioner of Police Poornima Chowghule Shringi Nashik News)

हेही वाचा : कॅशबॅक किंवा खरेदीवर सूट मिळणारंच कार्ड निवडा...

पदस्‍थापनेच्‍या प्रतीक्षेतील काही अधिकाऱ्यांच्या बदल्या गृह विभागाने केलेल्‍या आहेत. यापैकी पौर्णिमा चौगुले-श्रींगी यांचीही बदली करण्यात आलेली आहे. या बदलीमुळे रिक्‍त झालेल्‍या जागेवर पदस्थापनेचे आदेश येत्‍या काही दिवसांत जारी होण्याची शक्‍यता आहे.

दरम्‍यान गेल्‍यावर्षी नोव्‍हेंबरमध्ये पोलिस आयुक्तालयातील तीन उपायुक्‍तांची बदली झाली होती. यानंतर नव्‍याने तिघा अधिकाऱ्यांची रिक्‍त जागांवर नियुक्‍ती करण्यात आलेली होती. परंतु दीर्घ कालावधीपासून बदलीच्‍या प्रतीक्षेत असलेल्‍या श्रीमती चौघुले यांची बदली करण्यात आलेली नव्‍हती.

मंगळवारी त्‍यांच्‍या बदलीचे आदेश जारी केले आहेत. दरम्‍यान त्‍यांनी गुन्हे, विशेष शाखा तसेच वाहतूक विभागात जबाबदारी सांभाळली.