नाशिक रोड : दुचाकी चोरणाऱ्या अट्टल चोरट्यास नाशिक रोड गुन्हे शोध पथकाने शिताफीने ताब्यात घेतले असून, त्याच्याकडून चार लाख ८५ हजाराच्या १३ दुचाकी हस्तगत करण्यात आल्या आहे. (Twowheeler thief arrested Nashik Crime News)

हेही वाचा : या महामार्गामुळं खरंच येईल 'समृद्धी'?

गेल्या महिन्यात सागर जाधव (रा. पाथर्डी रोड) यांची दुचाकी रेल्वे स्टेशन येथून चोरी गेली होती. संशयित योगेश शिवाजी दाभाडे (रा. अशोकनगर, सातपूर) हा रेल्वे स्टेशन परिसरात फिरत असल्याची माहिती पोलिस नाईक विशाल पाटील यांना मिळाली.

वरिष्ठ निरीक्षक अनिल शिंदे यांच्या मार्गदर्शनाखाली गुन्हे शोध पथकाचे सहाय्यक निरीक्षक योगेश पाटील, उपनिरीक्षक जयेश गांगुर्डे, सहाय्यक उपनिरीक्षक अनिल शिंदे, विलास गांगुर्डे, सुभाष घेगडमल, विष्णू गोसावी, सचिन गावले, विशाल पाटील, मनोहर शिंदे, राकेश बोडके, केतन कोकाटे, सोमनाथ जाधव, समाधान वाजे, विशाल कुंवर, महिंद्र जाधव, सागर आडणे, अजय देशमुख, योगेश रानडे, सागर पांढरे, मुश्रीफ शेख, स्वप्नील जुंद्रे आदींनी त्याला शिताफीने ताब्यात घेतले. संशयित दाभाडे याने गुन्ह्याची कबुली दिली. त्याच्याकडून १३ दुचाकी हस्तगत केल्या आहेत.